Aprobetxamenduko sukaldea

Osagaiak

6 tomate handi (200 g bakoitza)
2 koilarakada. oliba olio birjina estra
1 baratxuri ale, fin-fin txikituta
6 albahaka hosto, txikituta
150 g arroz egosi hondarrak
30 g parmesano birrindua
Gatza eta piper beltza

Elaborazioa

Berotu labea 180 ºC-tan eta koipeztatu erretilu bat olioz.
Moztu tomateen gainak eta hustu (jarri haragia ontzi batean).
Gazitu tomateen barrualdea eta utzi xukatzen erretilu batean.
Zartagin batean olioa berotu eta baratxuria salteatu 5 minutuz.
Gehitu tomateen haragia eta albahaka eta salteatu 5 minutuz su bizian.
Sutik kendu, arroza eta gazta gehitu, gatza eta piperbeltza.
Tomate bakoitza nahasketa honekin bete eta olioztaturiko erretiluan jarri.
Antolatu tomateen gainak erretiluan.
Gehitu olioa tomateei eta utzi labean 50 minutuz gorritzeko.
Utzi 5 minutuz atseden, goikoak tomateen gainean jarri eta zerbitzatu.